Prakuratura Bałharyi abvinavaciła troch hramadzian Rasii ŭ zamachu na zabojstva bałharskaha biznesmiena Jemialjana Hiebrava, jaho syna Chrysta i jašče adnaho čałavieka.
Padazravanyja, imiony jakich nie raskryvajucca, abvinavačvajucca ŭ tym, što ŭ 2015 hodzie ŭ Safii sprabavali atrucić fosfaraarhaničnym rečyvam bałharskaha zbrojnika i jašče dvuch čałaviek.
Rasiejcaŭ abviaścili ŭ mižnarodny vyšuk.
U 2015 hodzie ŭładalnik zbrojevaj kampanii Hiebraŭ byŭ špitalizavany. Prykładna ŭ toj ža čas drenna siabie adčuli syn Hiebrava i adzin z top-mieniedžaraŭ jaho kampanii. Usich troch špitalizavali ź simptomami ciažkaha atručvańnia.
Pavodle žurnalistaŭ-rasśledavalnikaŭ, padčas atručvańnia biznesmiena Hiebrava ŭ Bałharyi znachodziŭsia hienierał-major Dzianis Siarhiejeŭ (psieŭdanim — Siarhiej Fiadotaŭ). Jon taksama fihuruje ŭ spravie ab atručeńni Skrypaloŭ.
