Minski aŭtazavod vypuściŭ pieronny aŭtobus novaha pakaleńnia — MAZ 271. Šatł pradstavili ŭ aeraporcie Baryspal.
Novy šatł atrymaŭsia vielizarnym: daŭžynia — 14,48 mietra, šyrynia — 3,19, a vyšynia — 3,25. U sałonie moža ŭmiaścicca da 112 čałaviek. Unutr možna trapić praz dvuchstvorkavyja dźviery — pa try z kožnaha boku. Pry pasadcy spracoŭvaje sistema knilinha, i padłoha nachilajecca. Dla ludziej u invalidnaj kalascy praduhledžany trap.
Vychłapnaja truba vyviedziena na abodva baki aŭtobusa, ale pry adkryćci dźviarej truba z hetaha boku błakujecca. Tym samym vychłapnyja hazy vychodziać praz trubu z procilehłaha boku, što dazvalaje pasažyram dychać čystym pavietram.
Siadzieńniaŭ dla pasažyraŭ usiaho vosiem. Pry žadańni na zavodzie mohuć pastavić dadatkovyja rady, choć ciapier aeraporty schilajucca da stajačych miescaŭ. U sałonie šmat śviatła za košt vialikich voknaŭ, a ŭviečary ŭklučajecca śviatłodyjodnaja padśvietka.
Navinku pakazali ŭ aeraporcie Baryspal. U najbližejšyja paŭhoda siudy pastaviać jašče piać aŭtobusaŭ MAZ 271.
