U Hrodnie ŭ piatnicu, 24 studzienia, zrabiŭ pasadku samalot «Biełavija», jaki lacieŭ ź Minska ŭ Miunchien.
Pra heta paviedamiŭ telehram-kanał Niechta, a taksama paviedamili TUT.BY niekalki pasažyraŭ, jakija lacieli hetym rejsam.
Na sajcie flightaware, jaki dazvalaje adsočvać maršruty łajnieraŭ, vidać, što samalot raźviarnuŭsia ŭ pavietranaj prastory Polščy i nakiravaŭsia ŭ Biełaruś. Pa paviedamleńniach pasažyraŭ, pry pasadcy ŭ Hrodnie z borta źniali šeść čałaviek.
Skrynšot z servisu flightaware.
Samalot (rejs B2899) pavinien byŭ vylecieć ź Minska ŭ piatnicu ŭ 12:30. Ale vylet zatrymaŭsia. Pa dadzienych flightaware, bort adpraviŭsia ŭ 15:33, to-bok sa spaźnieńniem prykładna na 3 hadziny. Miarkujučy pa maršrucie ruchu samalota, Embraer 175 amal dalacieŭ da Urocłava, a zatym raźviarnuŭsia i ŭ 17:39 pryziamliŭsia ŭ Hrodnie. U Miunchien samalot vylecieŭ u 19:26, a prylacieŭ u 19:01 (u Hiermanii dźvie hadziny roźnicy ź Biełaruśsiu).
Ab zatrymcy z vyletam i zvarocie samalota paviedamili adrazu niekalki pasažyraŭ hetaha rejsa.
«Spačatku rejs zatrymali na 3 hadziny, patłumačyŭšy heta tym, što była techničnaja niaspraŭnaść sistemy padačy vady (ci niešta źviazanaje z vodazabieśpiačeńniem), — paviedamiŭ adzin z pasažyraŭ. — U vyniku pasažyraŭ pasadzili na rejs, i my ŭźlacieli. Da Miunchiena lacieć kala dźviuch hadzin, pa skančeńni prykładna hetaha času my pačali źnižacca, i jakoje ž było naša ździŭleńnie, kali kamandzir ekipaža skazaŭ, što praz techničnuju niaspraŭnaść my vymušanyja zrabić ekstrannuju pasadku ŭ Hrodnie».
«Kali my sieli ŭ Hrodnie, ekipaž paviedamiŭ, što techniki buduć raźbiracca i paźniej nam paviedamiać ab dalejšych płanach. Pry hetym z samalota nikoha nie vypuścili, — praciahvaje pasažyr. — Kali prajšło kala 20 chvilin, u samalot uvajšła hrupa pamiežnikaŭ i mytnikaŭ. Pamiežnik abviaściŭ pa hučnaj suviazi ab tym, što ciapier jon nazavie 6 čałaviek, i kali my pačuli svajo proźvišča, to pavinny ŭstać, zabrać svaju ručnuju pakłažu i bahaž i prajści ź im».
Pasažyry rejsa raspaviadajuć, što prykładna praz 20 chvilin paśla taho, jak źniali z rejsa šeść čałaviek, usich paprasili vyjści z samalota ŭ aŭtobus i ŭziać z saboj ručnuju pakłažu, kab łajnier dazapravili palivam. Pa słovach adnaho z pasažyraŭ, paśla taho jak pasažyry viarnulisia na svaje miescy, im abviaścili, što techničnyja niaspraŭnaści likvidavanyja. «Heta vyklikała ahłušalny śmiech pasažyraŭ», — raspaviadaje čytač, jaki lacieŭ hetym rejsam.
«Nijakich kamientaroŭ ad supracoŭnikaŭ «Biełavija» my tak i nie atrymali. Sumarna my spaźnilisia dzieści na 5—6 hadzin, u mnohich byli stykoŭki ŭ Miunchienie — ich raskład całkam parušyŭsia», — raspavioŭ adzin z pasažyraŭ rejsa.
U «Biełavija», Pahraničnym kamitecie, MUS i ŭ hrodzienskim aeraporcie nie zmahli apieratyŭna prakamientavać situacyju.
