Michaił Huceryjeŭ, jaho syn Said, a taksama čaćviora byłych i ciapierašnich mieniedžaraŭ «ForteInviesta» stali śviedkami pa spravie ab kantrabandzie rasijskaha dyziela va Ukrainu. U hetych pastaŭkach vinavaty ŭkrainski trejdar, śćviardžajuć u kampanii, paviedamlaje RBK.
Biźniesmen Michaił Huceryjeŭ, jaho syn Said, a taksama čaćviora byłych i ciapierašnich mieniedžaraŭ «ForteInviesta» (naležyć Huceryjevym) — Alaksandr Kiebadze, Andrej Piacinaŭ, Anastasija Sudziłoŭskaja i Mahamied Jaŭłojeŭ — stali śviedkami pa spravie ab kantrabandzie kala 100 tysiač ton dyziela va Ukrainu ŭ 2017 hodzie z Orskaha NPZ.
U śniežni 2019 hoda ŭ ofisach kampanij Huceryjeva i ŭ jaho doma prajšli pieratrusy, paviedamlali krynicy RBK, jakija nazirali za pieratrusam u ofisie «ForteInviesta», a taksama «Kommiersant'» i Telegram-kanał Mash. Adnak sam Huceryjeŭ abvierh pieratrusy, nazvaŭšy infarmacyju pra ich «pravakacyjaj».
Nahadajem, kampanii hrupy «Safmar», jakaja padkantrolnaja Michaiłu Huceryjevu, zaraz źjaŭlajucca adzinymi pastaŭščykami rasijskaj nafty na terytoryju Biełarusi.
Ułady Biełarusi admovilisia płacić premiju rasijskim naftavym kampanijam, ale na takich umovach pahadziŭsia pracavać tolki Michaił Huceryjeŭ, jakoha nazyvajuć siabram Alaksandra Łukašenki.
