Vialikabrytanija aficyjna pierastała być členam Jeŭrapiejskaha sajuza. Brexit adbyŭsia 31 studzienia a 23:00 pa Hrynvičy. Ad 1 lutaha i da kanca 2020 hoda budzie dziejničać pierachodny pieryjad, a tamu adrazu nijakich surjoznych źmien nie budzie.
Da kanca śniežnia ŭ krainie praciahnie dziejničać bolšaja častka zakonaŭ ES, u tym liku ab svabodnym pieramiaščeńni ludziej. Vialikabrytanija zastaniecca jak u mytnym sajuzie ES, tak i ŭ adzinym rynku, adnak nie budzie pradstaŭlenaja ŭ jeŭrapiejskich instytutach. Da kanca pierachodnaha pieryjadu baki pavinny buduć zaklučyć pahadnieńnie ab svabodnym handli.
Vialikabrytanija stała pieršaj krainaj, jakaja vyjšła z błoka z momantu jaho zasnavańnia. Ciapier ES naličvaje 27 krain-členaŭ.
Na Parłamienckaj płoščy ŭ Łondanie sabralisia tysiačy prychilnikaŭ Brexit dla śviatkavańnia hetaj padziei.
