Bank Dabrabyt atrymaŭ premiju «Brend hoda 2019» u prafiesijnaj naminacyi. Žury konkursu vysoka acaniła praviedzieny rebrendynh. Akramia taho, finansavy instytut atrymaŭ uznaharodu ŭ katehoryi «Banki i finansavyja pasłuhi».
Da rebrendynhu finansavaja ŭstanova kala 20 hadoŭ pracavała pad nazvaj Maskva-Minsk. Napačatku 2019 hoda bank abviaściŭ pra źmienu nazvy i novaje pazicyjanavańnie. Novy brend źviernuty da nacyjanalnaj tematyki. Łahatyp adsyłaje da biełaruskaj simvoliki, a słova «dabrabyt» aznačaje bahaćcie, materyjalny dastatak i zabiaśpiečanaść.
Bank Dabrabyt — adzin z samych paśpiachovych finansavych instytutaŭ u Biełarusi. Asnoŭnym akcyjanieram vystupaje Nacyjanalny bank (99,75% akcyj), a astatni pakiet zastajecca za Parytetbankam. Dabrabyt pastajanna pakazvaje prybytak. Siarod klučavych kirunkaŭ — absłuhoŭvańnie małoha i siaredniaha biźniesu, valutna-abmiennyja apieracyi, faktorynh.
Premija «Brend hoda» prachodzić užo 19 hadoŭ. Pieramožcaŭ i pryzioraŭ štohod vyznačajuć u bolš jak 150 katehoryjach u prafiesijnaj, spažyvieckaj i sacyjalnaj naminacyjach.
