Ekanamist Siarhiej Čały byŭ častym naviednikam nudysckaha plaža na Minskim mory. Pra heta jon raskazaŭ u čarhovym vypusku šou «Tok» z Nastaśsiaj Roŭdaj.
Siarhiej Čały. Fota Nadziei Bužan
— Ja kali rychtavałasia da intervju z vami jak z ekanamistam, absalutna niečakana dla siabie daviedałasia, što vy adzin z udzielnikaŭ nudysckaha ruchu ŭ Biełarusi. Raskažycie pra heta.
— Nie toje kab, heta daŭno było…
— U maładości?
— Nu tak, kaniečnie: univiersiteckija i paźniejšyja časy. Ja navat nie viedaju, z čym heta źviazana nasamreč.
Prosta tak atrymałasia, što na Minskim mory jość najlepšy plaž z najlepšym bieraham — piaty. Jon samy addaleny, dalej pačynajecca niejkaje kustoŭje, drevy, tam, ułasna, jon zakančvajecca. Ale jon samy dobry, samy čysty, tam adzin piasok, niama kamianioŭ. Jon z samaha pačatku byŭ ablubavany daśviedčanymi nudystami. Kali ty vybiraješ dobraje miesca, ty mižvoli…
— Tam uvachod tolki ŭ adnoj vopratcy?
— Prosta na ciabie hladziać jak na idyjota, kali ty nie adpaviadaješ ahulnamu vyhladu. Niejak tak.
— A ideałohiju ich vy pieraniali? Stali častkaj ruchu?
— A jakaja tut ideałohija?
— A jakaja? Ja ž nie viedaju.
— Tut fokus u tym, što kali vakoł ciabie heta ŭsio adbyvajecca — heta ž nie ekzotyka, — ludzi absalutna spakojna siabie pavodziać u hetaj situacyi. Hety plaž pražyŭ dosyć doŭha. Da taho času, pakul milicyja nie stała zmahacca za maralnaść. U nas ža jość administracyjnaja adkaznaść za znachodžańnie ŭ vyhladzie, jaki abražaje inšych. Pakul niama zajavy, što niechta abraziŭsia, u pryncypie ŭsio ŭ paradku. A paśla jany prydumali ŭdvuch chadzić, udvuch abražacca.
— Dva milicyjanty ci dźvie babuli jakija-niebudź?
— Tak, dva milicyjanty. Narad pryjazdžaje: «Davajcie apranajciesia ci jašče što-niebudź…» Na hetym usio i skončyłasia. Ja nie viedaju, našto heta rabić, bo heta było dosyć addalenaje miesca, nichto nikomu nie zaminaŭ, nichto asabliva nie abražaŭsia.
0:35 — pra ŭzrost,
3:29 — jak Čały staŭ nudystam,
5:57 — ci jość prablemy z ałkaholem,
7:00 — pra «dačku»,
7:26 — navošta ŭstupiŭ u partyju Słavianski sabor «Biełaja Ruś», jakaja vystupała za abjadnańnie Biełarusi, Rasii i Ukrainy,
10:32 — staŭleńnie da biełaruskaha nacyjanalizmu,
12:15 — pra biełaruskuju movu,
13:18 — čamu pajšoŭ u kamandu Łukašenki na vybarach 1994 hoda,
18:20 — jakim byŭ Łukašenka ŭ 1994-m,
22:06 — ci adčuvaje vinu za toje, što dapamahaŭ Łukašenku,
29:05 — pra piaščotnyja žanočyja ruki, jakija akružyli Łukašenku,
31:39 — čym zajmaŭsia padčas pracy ŭ Administracyi prezidenta,
37:36 — jak syšoŭ sa słužby ŭ prezidenta,
39:52 — za kaho hałasavaŭ na vybarach (i čamu za Michaleviča ŭ 2010-m),
43:13 — pra Taćcianu Karatkievič i «Havary praŭdu»,
45:35 — kolki Biełaruś moža pratrymacca ŭ stanie zastoju,
47:39 — čym skončacca tancy ź intehracyjaj,
49:31 — ci bačyć siabie ŭ palitycy,
50:28 — jak pieramahčy Łukašenku na vybarach,
56:44 — čamu zakryłasia «Ekanomika na palcach»,
1:03:54 — jakija try reformy najbolš patrebnyja siońnia Biełarusi,
1:06:04 — što trymaje ŭ Biełarusi,
1:09:10 — Post Scriptum: čamu sastryh doŭhi chvost, jaki nasiŭ na praciahu 16 hod.
