Fota Nadziei Bužan
Siońnia ŭviečary atmaśfierny front pakinie Biełaruś. Atmaśfierny cisk pačnie intensiŭna raści. Zachodni viecier źmienicca paŭnočnym, a ŭmovy nadvorja stanie farmavać pavietranaja masa z poŭnačy Jeŭropy, raspaviali BiełTA ŭ Hidramiecie.
U piatnicu, 7 lutaha, śnieh. Na asobnych učastkach daroh hałalodzica. Unačy 3-9 hradusaŭ marozu, dniom — ad minus 5 da plus 1. Ale adčuvańnie choładu ŭzmocnić paryvisty viecier. Dniom paryvy da 13-18 m/s.
U subotu ranicaj i dniom śnieh, mokry śnieh. Na darohach hałalodzica. Viecier dniom zachodni. Unačy 4-11 hradusaŭ marozu, miescami — da minus 13. Dniom budzie ad minus 5 pa paŭdniovym uschodzie da plus 2 pa zachadzie.
U niadzielu, 9 lutaha, paciapleje. Unačy ad minus 7 da nula, dniom — ad nula da plus 6. Dniom budzie pieravažna biez apadkaŭ, na darohach hałalodzica. Viecier prahnazujecca zachodni, paŭdniova-zachodni ŭmierany, dniom miescami paryvisty.
U pačatku nastupnaha tydnia taksama budzie ciopła. U paniadziełak u mnohich rajonach prahnazujecca mocny paryvisty paŭdniova-zachodni viecier. Unačy ad minus 5 da plus 2, udzień — ad plus 1 pa paŭnočnym uschodzie da plus 8 hradusaŭ ciapła pa paŭdniovym zachadzie.
U aŭtorak, 11 lutaha, taksama paryvisty viecier da 15-18 m/s. Dniom — ad nula da plus 5.
U sieradu, 12 lutaha, časam čakajecca śnieh, mokry śnieh. Udzień — ad minus 2 da plus 4.
