Fota Nadziei Bužan
Biełaruś prosić Rasiju pierahledzieć umovy mižuradavaha kredytu na budaŭnictva AES u Astraŭcy (BiełAES), ale biahučyja prapanovy Minska nie mohuć być pryniatyja, paviedamiŭ žurnalistam namieśnik ministra finansaŭ Rasii Siarhiej Storčak, piša RBK.
«Biełaruskija kalehi nastojliva prosiać nas pierahledzieć umovy dziejučaha pahadnieńnia. Kansultacyi takija iduć u pracoŭnym paradku, ničoha asablivaha nie adbyvajecca», — skazaŭ Storčak.
«Adnačasova padoŭžyć pieryjad vykarystańnia srodkaŭ kredytu i pamienšyć pracentnuju staŭku — nie adpaviadaje finansavaj teoryi, tamu treba šukać kampramisy ŭ inšaj płoskaści», — padkreśliŭ namieśnik ministra finansaŭ Rasii.
9 lutaha pieršy vice-premjer biełaruskaha ŭrada Dźmitryj Kruty paviedamiŭ, što Minsk prosić adkłaści čas pačatku vypłat pa kredycie. «Plus my prosim, kab nie nieści dadatkovyja nahruzki, rassunuć termin hetaha kredytu i niekalki źnizić pracentnuju staŭku, pryvioŭšy jaje ŭ adpaviednaść prykładna z tymi kantraktami, jakija isnujuć u «Rasatama» ŭ inšych krainach», — skazaŭ Kruty.
Pieršy błok BiełAES pavinien być uviedzieny ŭ 2020 hodzie (usiaho pavinna być dva enierhabłoki). «Pa pieršym błoku my zaraz padychodzim da vielmi važnaj stadyi puskanaładačnych rabot», — skazaŭ 9 lutaha Kruty. Pa ŭmovie kredytnaha pahadnieńnia z Rasijaj Biełaruś pavinna pačać pahašać kredyt nie paźniej za 1 krasavika 2021 hoda. Na 1 studzienia 2019 hoda Biełaruś vykarystała $3,4 młrd z kredytnaj linii ad Rasii na $10 młrd, paviedamlałasia ŭ lipieni minułaha hoda ŭ praśpiekcie biełaruskich ablihacyj.
