Siońnia ŭ 8.30 ŭ milicyju patelefanavała 85-hadovaja žycharka Davyd-Haradka i paviedamiła, što kala 7.00 ranicy ŭ jaje dom pryjšoŭ nieviadomy.
Žančyna raspaviała, što pračnułasia z-za drennaha samaadčuvańnia i pajšła pa leki na vierandu, dzie ŭbačyła nieznajomca ŭ čornaj kurtcy. Mužčyna nie čakaŭ raptoŭnaha źjaŭleńnia haspadyni i skazaŭ: «Babka, addavaj hrošy, i tabie ničoha nie budzie!», paviedamlaje abłasnaja milicyja.
U pakoi fihurant šturchnuŭ spałochanuju žančynu na łožak i źniaŭ ź jaje kurtku, z kišeniaŭ jakoj zabraŭ 620 rubloŭ. Zaŭvažyŭšy załatyja zavušnicy, zapatrabavaŭ źniać, a potym źbieh.
Atrymaŭšy prykmiety padazravanaha, usie narady milicyi Stolinskaha, Pinskaha, Ivanaŭskaha, Drahičynskaha i Kobrynskaha rajonaŭ byli aryjentavany na jaho pošuk.
Urešcie supracoŭniki kryminalnaha vyšuku Stolinskaha RAUS złavili złačyncu. Im akazaŭsia niepracujučy raniej sudzimy 31-hadovy žychar Kobrynskaha rajona, jaki byŭ zatrymany supracoŭnikami DAI i AMAPa na aŭtadarozie Ivacevičy — Pinsk - Stolin.
