Vystup Viktara Kaliny płanavaŭsia na 16 lutaha ŭ miascovym Centry kultury. Ale achvotnych kupić kvitok nie znajšłosia. Mahčyma, spracavała pietycyja, jakuju skłali žychary Dokšycaŭ.
U mnohich haradach i miastečkach nieabyjakavyja žychary składajuć pietycyi ab admienie kancertaŭ śpievaka. Nahoda takich pietycyj — adkrytyja simpatyi Kaliny da «DNR» i «ŁNR».
Čytajcie. Viktar Kalina: Ja napisaŭ himn «My ruskija, z nami Boh», a mianie ni za što źbili rabotniki rasijskaj kałonii
Nie stali vyklučeńniem i Dokšycy. Tam pietycyju padpisali 666 čałaviek.
«U našaj zali 290 miescaŭ. Na niekatoryja była broń: ludzi zvanili i prasili zabraniravać kvitki, kab paźniej ich vykupić. Takim čynam zareziervavali 11 miescaŭ. Ale ŭ kasu za kvitkami nichto nie pryjšoŭ.
Tamu kancert daviałosia admianić. Nu i pierad kancertam rezanans ža pajšoŭ, pietycyju skłali… Moža, tamu i kvitki nie kuplali, — tłumačyć «Našaj Nivie» dyrektarka Centra kultury Maryna Čaban. — Ale takoje byvaje nie tolki z Kalinaj. Vystupy niekatorych inšych biełaruskich vykanaŭcaŭ taksama admianiajucca, bo kvitki zusim nie pradajucca.
Pry hetym sam Kalina byŭ vielmi niezadavoleny admienaj, chacieŭ, kab kancert byŭ. Išli pieramovy, jon byŭ hatovy pryjechać i śpiavać dla takoj kolkaści, jakaja budzie, navat dla 11 čałaviek. Ale ž heta praca nie tolki jaho, ale i naša, administracyi, hukarežysioraŭ… My nie možam vykarystoŭvać ludziej dla kancerta z 11 słuchačami. U vyniku vystup admianili».
Adkaz Kaliny: «Ludzi amal dajšli da žabractva», — Viktar Kalina raspavioŭ pra admienu kancerta ŭ Dokšycach i pravierki KDB
Čytajcie:
Viktar Kalina abmaciukaŭ invalida, jaki paprasiŭ biaspłatny kvitok na kancert AŬDYJA
«Praciakła truba», «ramont zały»: u krainie masava admianiajucca kancerty Viktara Kaliny
