Fota Darji Burakinaj
Za DTZ ź dźviuma zahinułymi na viciebskaj trasie sud pryznaŭ vinavataj 20-hadovuju Juliju, kiroŭcu «Škody». Jaje prysudzili da troch hadoŭ kałonii-pasialeńnia, piša Tut.by.
Nahadajem, avaryja zdaryłasia 25 žniŭnia 2019 hoda ŭ rajonie pavarotu na Baraŭlany (Minski rajon). 19-hadovaja dziaŭčyna, kiroŭca «Škody», nie dała rady kiravańniu i ŭ zanosie vyjechała na sustrečku, dzie sutyknułasia z «Łend Roveram». U vyniku avaryi zahinuli dźvie pasažyrki «Škody». Heta byli mama i babula kiroŭcy aŭto.
Fota SK
19 lutaha sud pryznaŭ 20-hadovuju Juliju vinavataj pa č. 3 art. 317 KK Biełarusi (Parušeńnie PDR abo ekspłuatacyi transpartnych srodkaŭ, što paciahnuła pa nieaściarožnaści śmierć dvuch asob) i prysudziŭ jaje da troch hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach pasialeńnia. Taksama sud pazbaviŭ jaje prava zajmacca dziejnaściu, źviazanaj z kiravańniem transpartnymi srodkami, na 5 hadoŭ.
Prysud nie ŭstupiŭ u zakonnuju siłu i moža być abskardžany i apratestavany ŭ apielacyjnym paradku.
