Dadatkovyja 80-150 rubloŭ za studzień 2020 hoda atrymali rabotniki Prakuratury, Śledčaha Kamiteta, milicyi, Pahraničnaha kamiteta. Pra pavyšeńnie akładaŭ kažuć taksama vajskoŭcy i ratavalniki.
«Bazavy akład pavialičany na 12,8%, z 195 da 220 rubloŭ. Nadbaŭki za vysłuhu i inšyja dapłaty ličacca ŭ pracentach ad bazavaha akładu», — tłumačyć «Našaj Nivie» rabotnik Śledčaha kamiteta.
«U mianie byŭ zarobak 800 rubloŭ, ciapier 920», — kaža šarahovy rabotnik staličnaj milicyi biez aficerskaha zvańnia.
«U mianie zarobak padros niedzie na 12%, — raskazvaje «Našaj Nivie» aficer milicyi. — A dla šarahovaha składu adździaleńnia ŭnutranych spraŭ uviali nadbaŭki. Jany vypłačvajucca apieratyŭnikam ci ŭčastkovym, jakija pracujuć u adździełach, dzie jość vakansii. Tamu ŭ realnaści majuć bolšuju nahruzku».
Pra rost zarobku prykładna na 100 rubloŭ kažuć taksama pahraničniki, hetaje pavyšeńnie biez dakładnych ličbaŭ paćvierdzili ŭ pres-słužbie Pahraničnaha kamiteta.
Ratavalniki kažuć, što zarobak vyras na 80-120 rubloŭ.
«U nas usio zaležyć ad akładu, padniali jaho — i ŭsio aŭtamatam uvierch», — patłumačyŭ pažarny.
Pavyšeńnie akładaŭ i nastupny rost zarobkaŭ zaŭvažyli i vajskoŭcy.
Admietna, što pavyšeńnie adbyłosia na fonie «novaj sistemy» naličeńnia zarobkaŭ niekatorych biudžetnikaŭ, vynikam čaho stała skaračeńnie sumaŭ — asabliva na parezanyja zarobki narakajuć nastaŭniki i rabotniki kultury.
Čytajcie taksama: Biudžetnikam naličyli zarobki pa novaj sistemie. Što atrymali ludzi i jak reahujuć na źmieny?
«Našaj Nivie» taksama viadomyja vypadki, kali ŭ siemjach muža-aficera i žonki-nastaŭnicy supolny dabrabyt nie źmianiŭsia, bo zarobak žonki źmienšyŭsia prykładna na sumu pavyšeńnia muža.
