Vyjšaŭ u śviet pieršy z troch tamoŭ «Vialikaha histaryčnaha atłasa Biełarusi». Heta ŭnikalnaje kartahrafičnaje vydańnie, roŭnaha jakomu nie zrabili jašče ni palaki, ni ŭkraincy.
— Praca nad atłasam viadziecca z 2004 hoda, — raskazvaje hałoŭny redaktar RUP «Biełkartahrafija» Ludmiła Kampaniec. — Jaje arhanizavała i prafinansavała mienavita hetaje pradpryjemstva. Hałoŭny redaktar atłasu — dyrektar Biełaruskaha navukova‑daśledčaha centra elektronnaj dakumientacyi, kandydat histaryčnych navuk Viačasłaŭ Nasievič. Redakcyjnuju kalehiju ŭznačaliŭ staršynia Dziaržkamitetu pa majomasci Biełarusi Hieorhij Kuźniacoŭ. U raspracoŭcy i recenzavanni mapaŭ dla pieršaha tomu brali ŭdzieł viadomyja historyki.
U asnovu pieryjadyzacyi tamoŭ atłasu pakładzieny vyrašalnyja momanty etnahieniezu biełarusaŭ, ich šlachu da stvareńnia ŭłasnaj dziaržavy.
Pieršy tom aśviatlaje najbolš rannija pieryjady — ad kamiennaha vieku da časoŭ Vialikaha Kniastva Litoŭskaha. Chranałahična jon abmiežavany kankretnaj dataj — 1569 hodam, kali ŭ vyniku Lublinskaj unii biełaruskija ziemli ŭvajšli ŭ skład Rečy Paspalitaj. Tom źmiaščaje 67 histaryčnych kartaŭ, schiem i płanaŭ, raspracavanych sučasnymi daśledčykami, a taksama repradukcyi 22 staražytnych mapaŭ.
Upieršyniu nadrukavana hienieralnaja karta «Biełaruskija ziemli ŭ ChVI stahoddzi» na 51 arkušy, na jakoj paznačany ŭsie tahačasnyja nasielenyja punkty, jakija paddajucca łakalizacyi, a taksama miežy pavietaŭ, vałaściej i majontkaŭ.
U pieršym tomie atłasu źmieščany taksama 7 tłumačalnych narysaŭ, chranałohija histaryčnych padziej ad staražytnasci da 1569 hoda i historyka‑hieahrafičny pakazalnik, u jakim pryvodziacca źviestki pra čas pieršaj zhadki pra pasieliščy, ich histaryčnyja i sučasnyja nazvy, prynaležnaść na 1567 hod.
Druhi tom budzie achoplivać bolš za dva stahoddzi isnavańnia Vialikaha Kniastva ŭ składzie Rečy Paspalitaj i časoŭ, kali biełaruskija ziemli byli ŭklučanyja ŭ Rasijskuju impieryju. Vierchniaja chranałahičnaja miaža toma vyznačaje momant, kali farmiravańnie biełaruskaj nacyi nabyło jaskravuju vyraznaść. Hetaja miaža ŭmoŭna adpaviadaje dacie reformy 1861—1864 hadoŭ, jakaja adkryła šlach da razvićcia kapitalistyčnych adnosinaŭ. Druhi tom atłasu pavinien vyjsci z druku ŭžo ŭ 2010 hodzie.
Treci tom pryśviečany času ad zaradžeńnia biełaruskaha nacyjanalnaha ruchu da našych dzion. Chranałahična hety čas prapadaje na apošnija dziesiacihoddzi Rasijskaj impieryi, saviecki pieryjad i historyju suvierennaj Respubliki Biełaruś. Stvaralniki atłasu płanujuć zaviaršyć jaho vydańnie nie paźniej jak u 2012 hodzie.
U svabodnym prodažy stalicy pieršy tom Vialikaha histaryčnaha atłasa Biełarusi vystaŭleny pa košcie kala 195 tysiač rubloŭ.U śpiecyjalizavanaj kniharni Biełkartahrafii ŭ Minsku pieršy tom atłasa možna nabyć za 183 tysiačy 730 rubloŭ, arhanizacyi ž mohuć zakazać pa bieznajaŭnym razliku za 152 tysiačy rubloŭ.
Dla vyvučeńnia popytu ŭzory tomu nakiravany ŭ susiednija krainy. U Polščy ŭžo pradadziena 6 pieršych tamoŭ Vialikaha histaryčnaha atłasa Biełarusi.
