Postsavieckija krainy bieznadziejna adstajuć pa zarobkach ad centralnajeŭrapiejskich demakratyj.
Siaredni zarobak u Biełarusi ŭ studzieni składaŭ kala 334$. Što ŭ susiedziaŭ?
Siarod susiednich krainaŭ pa ŭzroŭniu zarobkaŭ Biełaruś zajmaje pieradapošniaje miesca.
Nižejšyja zarobki tolki va Ukrainie, pa jakoj suśvietny kryzis udaryŭ najbolš baluča. Našyja paŭdniovyja susiedzi atrymlivajuć usiaho tolki $216 štomiesiac.
Biełaruskija 920 tysiač rubloŭ (334 dalary) ŭ studzieni hetaha hodu — nieadnaznačnyja ličby. Pavodle infarmacyi Ministerstva statystyki, zarobak u rublach vyšejšy za letašni, jon padniaŭsia na 5%. A voś u dalarach praz devalvacyju rubla zarobak pakaciŭsia ŭniz.
Rasija maje siaredniestatystyčnyja 459$. Praŭda, kali ŭličvać, što zarobki ŭ Maskvie i syravinnych rehijonach udvaja bolšyja, čym va ŭsioj astatniaj krainie, atrymlivajecca, što rasijskaja hłybinka žyvie tolki trochi lepiej za Biełaruś.
Našyja ž zachodnija susiedzi daŭno ŭžo biełarusaŭ abskakali. Hamancy takich padobnych da nas žycharoŭ Litvy źmiaščajuć štomiesiac 946 dalaraŭ. U 2,83 razy bolš za našyja! Z takimi pakazalnikami Litva jašče i prajhraje Łatvii i Polščy, jakija znachodziacca pa inšy bok tysiačadalaravaha pakazalnika. Palaki atrymlivajuć u siarednim 1045$, a łatvijcy — kala 900$. Siaredni zarobak u Łatvii ŭ kancy 2008-ha byŭ pieravaliŭ za tysiaču dalaraŭ, adnak hetaja kraina mocna paciarpieła ad finansavaha kryzisu. Raniej najbolšy zarobak byŭ u palakaŭ, u 2008-m jon dasiahaŭ 1250 dalaraŭ, ale devalvacyja złotaha źniaceniła jaho amal na 20%.
