Kolkaść zachvarełych na karanavirus u Paŭdniovaj Karei za sutki vyrasła bolš čym na 400 čałaviek i składaje 4 812. Pamierli 28 čałaviek.
Raście kolkaść i ŭ Italii: tam kolkaść zachvarełych pieravysiła 2 030 čałaviek, pryčym pamierli 52.
«Zaraz niama prablem ź miescami ŭ adździaleńniach intensiŭnaj terapii, kolkaść vyzdaraviełych dasiahnuła 149 čałaviek», — abviaściŭ u paniadziełak kiraŭnik Departamienta hramadzianskaj abarony Andžeła Bareli, piša TASS. Pavodle jaho słoŭ, 50% tych, chto zaraziŭsia, znachodziacca doma, 40% špitalizavany ź lohkimi simptomami, 10% znachodziacca ŭ reanimacyi.
Najbolšaja kolkaść — bolš za dźvie traciny znachodziacca ŭ paŭnočnaj vobłaści Łambardyja, dzie dziesiać haradoŭ znachodziacca ŭ poŭnaj izalacyi.
Na druhoje miesca pa kolkaści infikavanych vyjšła Emilija-Ramańja (324), na trecim — Vienieta, dzie, jak ličycca, znachodzicca druhi łakalny epicentr uspyški karanavirusa. Asobnyja vypadki zarehistravanyja ŭ 13 abłaściach, uklučajučy staličnuju Łacya, dzie zaražeńnie vyjaŭlena ŭ čatyroch čałaviek.
U Francyi kolkaść chvorych vyrasła da 191.
