U Suśvietnaj arhanizacyi achovy zdaroŭja nazvali asnoŭnyja adroźnieńni karanavirusa COVID-19 ad zvyčajnaha hrypu.
COVID-19 — unikalny virus, jaki nie padobny da zvyčajnaha hrypu. Adnak abiedźvie infiekcyi vyklikajuć reśpiratornaje zachvorvańnie i raspaŭsiudžvajucca adnolkava praz maleńkija kropli vadkaści z nosa i rota zaražanaha.
Śmiarotnaść ad COVID-19 dasiahaje kala 3,4% u śviecie. Dla paraŭnańnia, ad zvyčajnaha hrypu zvyčajna pamirajuć našmat mienš za 1% chvorych.
Pieršaje adroźnieńnie: COVID-19 nie pieradajecca tak efiektyŭna, jak hryp.
Druhoje adroźnieńnie: COVID-19 vyklikaje bolš ciažkaje zachvorvańnie, čym hryp.
«U toj čas jak mnohija ludzi va ŭsim śviecie atrymali imunitet da siezonnych štamaŭ hrypu, COVID-19 źjaŭlajecca novym virusam, suprać jakoha ni ŭ koha niama imunitetu», — tłumačyć SAAZ.
Treciaje adroźnieńnie: strymlivać siezonny hryp niemahčyma ŭ adroźnieńnie ad COVID-19.
«My nie zajmajemsia adsočvańniem kantaktaŭ pry siezonnym hrypie, ale krainy pavinny rabić heta ŭ dačynieńni da COVID-19, tamu što heta praduchilić infiekcyi i ŭratuje žyćcio», — adznačyli ŭ SAAZ.
