Na adkryćci tarhoŭ 9 sakavika cana na naftu marki Brent skłała $38. Na zakryćci jaje košt byŭ na ŭzroŭni $46, vynikaje sa źviestak Investing.com, adznačaje RBK
Zatym Brent prabiła raniejšy minimum u 31,38 dalara za baral, praciahnuŭšy padzieńnie.
Pa stanie na 08.30 majski fjučars marki Brent padaje na 28%, da 32,51 dalara za baral. Chvilinami raniej pakazčyk abnaviŭ minimum sa studzienia 2016 hoda. Krasavicki fjučars marki WTI apuskajecca na 31,35%, da 28,33 dalara za baral, taksama ledź raniej abnaviŭšy minimum ź lutaha 2016 hoda.
Nafta pakazała rekordnaje padzieńnie ŭnutry dnia z 1991 hoda, kali pačałasia apieracyja ZŠA «Bura ŭ pustyni» ŭ Piersidskim zalivie pa vyzvaleńni zachoplenaha Irakam Kuviejta.
Za niekalki chvilin da pačatku tarhoŭ bank Goldman Sachs vypuściŭ prahnoz, pavodle jakoha cana Brent moža ŭpaści da $20 za baral u najbližejšyja tydni. Bank rezka paniziŭ svoj prahnoz pa siaredniaj canie Brent ŭ druhim i trecim kvartałach 2020 hoda da $30.
«My ličym, što APIEK i Rasija na hetych vychadnych pačali cenavuju vajnu, paśla taho jak Saudaŭskaja Aravija ahresiŭna skaraciła adnosnuju canu, pa jakoj jana pradaje svaju naftu, na maksimum prynamsi za 20 hadoŭ», — napisali analityki banka. Na dumku Goldman Sachs, padčas hetaj cenavaj vajny vytvorcy nafty ź nizkim sabiekoštam buduć naroščvać zdabyču, vykarystoŭvajučy svabodnyja mahutnaści, kab prymusić vytvorcaŭ z bolš vysokimi vydatkami skaracić ich zdabyču.
Padzieńnie suśvietnych cen na naftu paciahnie za saboj źnižeńnie koštu marki nafty Urals (jakuju kuplaje ŭ Rasii Biełaruś), dla jakoj u rasijskim biudžecie bazavaja cana na 2020 hod ustanoŭlena na ŭzroŭni $42,4 za baral. Hetaja paznaka važnaja dla biudžetnaha praviła: pry źnižeńni cenaŭ na naftu Minfin Rasii budzie pradavać valutu, čaho jašče nikoli nie rabiŭ.
