Fota Nadziei Bužan
Arcybiskup Tadevuš Kandrusievič, mitrapalit Minska-Mahiloŭski, apublikavaŭ zvarot śviataroŭ z pryčyny raspaŭsiudu ŭ śviecie karanavirusa, paviedamlaje catholic.by.
«Śviet achapiła epidemija karanavirusa. Zaraznaja i niebiaśpiečnaja chvaroba prajaŭlajecca va ŭsio bolšaj kolkaści krain śvietu, u tym liku i ŭ Biełarusi. Lekary i sanitarnyja słužby robiać usio mahčymaje, kab jaje praduchilić i jak maha chutčej vylečyć zachvarełych. Pry hetym jany navat ryzykujuć svaim žyćciom. (…) ich achviarnyja vysiłki nieabchodna padmacavać malitvaj», — havorycca ŭ zvarocie mitrapalita.
«U suviazi z hetym źviartajusia da śviataroŭ i viernikaŭ z zaklikam na kožnaj śviatoj Imšy padčas malitvy viernikaŭ malicca ŭ intencyi abarony našaha naroda ad hetaj niebiaśpiečnaj zaraznaj chvaroby, a taksama ŭ intencyi ŭsich zachvarełych, lekaraŭ i supracoŭnikaŭ słužby achovy zdaroŭja», — zaklikaje Tadevuš Kandrusievič.
Arcybiskup Kandrusievič zaklikaŭ viernikaŭ zachoŭvać spakoj, vykonvać rasparadžeńni dušpastyraŭ, pradpisańni lekaraŭ i asabliva dbać pra zachavańnie adpaviednych sanitarnych normaŭ.
