Fota Nadziei Bužan
Ministerstva zamiežnych spraŭ rekamienduje biełarusam ustrymacca ad naviedvańnia Italii i Izraila ŭ suviazi z abmiežavańniami, uviedzienymi ŭ hetych krainach dla praduchileńnia raspaŭsiudžvańnia karanavirusa COVID-19.
Rada Ministraŭ Italii pryniała rašeńnie ŭvieści z 10 sakavika režym strohaha karancinu na terytoryi ŭsioj krainy. Na hety momant płanujecca, što režym budzie doŭžycca da 3 krasavika. U hety pieryjad pierasoŭvańnie dazvolena tolki pa pryčynach pracy, patreb zdaroŭja abo nadzvyčajnych situacyj, zabaronienyja ŭsie hramadskija, kulturnyja, spartyŭnyja i relihijnyja mierapryjemstvy, kirmašy i vystavy, arhanizoŭvajucca pasty sanitarnaha kantrolu na aŭtastradach, čyhunačnych stancyjach i ŭ aeraportach krainy. Avijakampanija «Biełavija» vyrašyła prypynić rejs Minsk-Miłan-Minsk z 12 sakavika pa 2 krasavika.
Turystyčnyja pajezdki ŭ Italiju nie dapuskajucca. Pasažyry, jakija prybyvajuć u Italiju i źjazdžajuć ź jaje pavietranym transpartam (za vyklučeńniem tranzitu) pavinny pradjavić abhruntavanuju metu padarožža.
Urad Izraila pryniaŭ rašeńnie ab abaviazkovym 14-dzionnym karancinie dla ŭsich hramadzian, jakija prybyli z-za miažy ŭ pieryjad z 9 pa 23 sakavika. Zamiežnyja hramadzianie, zajazdžajučy ŭ Izrail, pavinny dakazać, što ŭ ich jość mahčymaść znachodzicca ŭ izalacyi dva tydni. Hramadzianie Biełarusi, što majuć namier naviedać Izrail, pačynajučy z 12 sakavika pavinny za piać dzion da vizitu nakiravać zapyt u adras pasolstva Izraila ŭ Biełarusi. Ujezd u Izrail moža ažyćciavicca tolki paśla atrymańnia adpaviednaha paćviardžeńnia pasolstva.
