Mužčyna pasprabavaŭ pazbavicca ad chałodnaj zbroi na miažy: parušeńnie ŭ punkcie propusku «Bruzhi» spynili mytniki. Pra heta BIEŁTA paviedamili ŭ Hrodzienskaj rehijanalnaj mytni.
Žychar Viciebska pierasiakaŭ miažu za rulom «Falksvahiena». Jon abraŭ zialony kanał, tym samym zajaviŭšy pra adsutnaść tavaraŭ, jakija padlahajuć abaviazkovamu piśmovamu dekłaravańniu. Adnak paśla taho jak transpartny srodak byŭ nakiravany na ahlad z prymianieńniem inśpiekcyjna-nadhladnaha kompleksu, mužčyna pasprabavaŭ pazbavicca ad šabli, vykinuŭšy jaje z aŭto.
Šabla źjaŭlajecca klinkovaj chałodnaj zbrojaj roznych dziejańniaŭ. Pieravozić jaje možna tolki pry najaŭnaści adpaviednych dakumientaŭ. Taksama ŭstanoŭlena, što vyrablenaja ŭ Zachodniaj Jeŭropie ŭ siaredzinie XIX st. piachotnaja sałdackaja šabla ŭjaŭlaje antykvarnuju i kulturnuju kaštoŭnaść.
Pa fakcie niedekłaravańnia tavaru ŭ dačynieńni da mužčyny raspačaty administracyjny praces. Jamu pahražaje štraf i kanfiskacyja šabli.
