Apieratyŭniki minskaj milicyi 10 sakavika zatrymali z dokazami złačynstva dvuch zamiežnikaŭ, jakija zarablali kradziažami z aŭtamabilaŭ, paviedamiła aficyjny pradstaŭnik MUS Volha Čamadanava ŭ svaim telehram-kanale.
33-hadovyja mužčyny «pracavali» ź lutaha. Jak praviła, jany vybirali ažyŭlenyja miescy kala handlovych centraŭ. Pakul adzin prakołvaŭ koła aŭtamabila, inšy naziraŭ za abstanoŭkaj. Kali ŭładalnik transpartu pačynaŭ mianiać koła, inšy padychodziŭ da aŭtamabila i nieprykmietna vykradaŭ z sałona rečy.
U taki sposab było ździejśniena minimum piać złačynstvaŭ. Pryčynienaja škoda — 6000 rubloŭ.
Ale ŭ apieratyŭnikaŭ jość usie padstavy mierkavać, što złačynnych epizodaŭ na rachunku zamiežnikaŭ moža być značna bolš. Kali vy stali achviaraj anałahičnaha złačynstva ŭ lutym-sakaviku hetaha hoda, prośba źviarnucca ŭ orhany ŭnutranych spraŭ pa telefonie 102.
