U Słavakii i Čechii abviaścili nadzvyčajnaje stanovišča ŭ suviazi z pahrozaj epidemii karanavirusa COVID-19.
Fota Nadziei Bužan
U Słavaččynie pryniali rašeńnie ab zakryćci pahraničnych punktaŭ dla zamiežnikaŭ i ŭsich troch mižnarodnych aeraportaŭ, paviedamlaje Zilinak.
Uviali 14-dzionny karancin: zakryvajucca škoły, spartyŭnyja i zabaŭlalnyja centry. Handlovyja centry buduć pracavać tolki ŭ budnija dni.
U Słavaččynie na siońnia zarehistravana 16 paćvierdžanych vypadkaŭ zaražeńnia.
Jak paviedamlaje «Radyjo Praha», urad Čechii abjaviŭ nadzvyčajnaje stanovišča ŭ krainie terminam na 30 dzion.
Z 14 sakavika buduć zakryty bolšaść pamiežnych pierachodaŭ z Hiermanijaj i Aŭstryjaj. Taksama zabaraniajecca ŭjezd u Čechiju hramadzianam krain, dzie znachodziacca ačahi epidemii, a taksama vyjezd u hetyja krainy.
U Čechii zarehistravana 96 vypadkaŭ zaražeńnia karanavirusam.
