Štodzień u reanimacyju ŭ Łambardyi adpraŭlajuć kala 85 pacyjentaŭ z karanavirusam, a miescaŭ pa stanie na siońnia zastajecca kala 15—20, piša italjanskaje vydańnie La Repubblica.
Italija zakupiła dla Łambardyi 113 dadatkovych aparataŭ intensiŭnaj štučnaj vientylacyi lohkich i 103 — subintensiŭnaj, jany na darozie ŭ Miłan. Ale i jany zmohuć vyratavać situacyju tolki na niekalki dzion. Kolkaść chvorych u Italii praciahvaje raści, jak i ličba śmiarotnych vypadkaŭ.
Kab ratavać ludziej, balnicy ŭ Łambardyi raźmiaščajuć pacyjentaŭ, katoryja ŭ ciažkim stanie, navat u apieracyjnych.
Inšaja prablema Łambardyi — vyčarpańnie zapasu masak. U Jeŭrasajuzie najbolšyja zapasy majuć Niamieččyna i Francyja, ale spatrebiłasia ŭmiašańnie Jeŭrakamisii, kab jany źniali zabaronu na vyvaz masak u inšyja dziaržavy ES.
Łambardyja — heta bahaty rehijon na poŭnačy Italii z nasielnictvam kala 10 miljonaŭ čałaviek i centram u Miłanie.
Karanavirus pastaviŭ Jeŭropu pierad prablemami, ź jakimi jana nikoli raniej nie sutykałasia.
