Fota Nadziei Bužan
Pra heta śpiavak paviedamiŭ u svaim fejsbuku. Kancert mieŭsia prajści 17 sakavika, na Dzień śviatoha Patryka, u Lidbeer bar. Pryčyna — niebiaśpieka raspaŭsiudu karanavirusa
«My, muzyki i arhanizatary, niasiem adkaznaść za tych ludziej, jakija prychodziać na našyja kancerty i ličym siabie abaviazanymi pakłapacicca pra svaich naviednikaŭ. Na žal, pry ŭsim vializnym žadańni pabačycca, my musim pryniać rašeńnie pra pieranos kancertu, zapłanavanaha na aŭtorak. Zaklučnaja akustyka siezona abaviazkova budzie — krychu paźniej, kali niebiaśpieka syjdzie», — havorycca ŭ zajavie rok-muzyki.
«Vieru, što heta adbudziecca chutka! Usie nabytyja kvitki buduć dziejsnyja ŭ novuju datu», — napisaŭ Volski i dadaŭ: «Vybačajcie! Bieražycie siabie i tych, chto pobač. I da nastupnaj — spadziajusia, blizkaj sustrečy!»
