Za niadzielu 15 sakavika ŭ Italii ad karanavirusa pamierli 368 čałaviek. 255 ź ich — u epicentry, pravincyi Łambardyja.

Pra heta paviedamiŭ kiraŭnik Hramadzianskaj abarony Italii.

Kolkaść zaražeńniaŭ raście pa ŭsioj Italii. Miedyki zarehistravali kala 3500 novych chvorych, ale pry takoj kolkaści vypadkaŭ zrazumieła, što ŭsie lohkija formy prosta pierastajuć traplać u statystyku. Hetym tłumačycca i pracent śmiarotnaści, jaki ŭ Italii dasiahnuŭ žachlivych 8 %.

Usiaho ŭ Italii ad Covid-19 pamierła ŭžo 1809 čałaviek. Pieravažnaja bolšaść achviar — pacyjenty ad 60 hadoŭ z pabočnymi chvarobami.

Daktary pracujuć u pamiaškańni, prystasavanych pad pryjom pacyjentaŭ u Brešyi (Łambardyja, Italija). Fota LaRepubblica.it.

Daktary pracujuć u pamiaškańni, prystasavanych pad pryjom pacyjentaŭ u Brešyi (Łambardyja, Italija). Fota LaRepubblica.it.

Tryvožnaja situacyja składvajecca taksama ŭ Ispanii i Šviejcaryi, niekatorych inšych krainach Jeŭrasajuza.

Pa stanie na viečar 15 sakavika kolkaść vyjaŭlenych achviar karanavirusa ŭ śviecie pieravysiła 6500.

Usiaho ŭ śviecie vyjaŭlena bolš za 167 tysiačy zaražeńniaŭ.

Asabliva tryvožnaja situacyja składajecca ŭ Italii, Iranie, Ispanii.

Vysokaja kolkaść śmiarotnych vypadkaŭ praparcyjna da kolkaści vyjaŭlenych nośbitaŭ fiksujecca ŭ Indanezii, Francyi, ZŠA, Niderłandach i na Filipinach. Heta moža aznačać, što ŭ dadzienych krainach vyjaŭlenaja tolki małaja dola nośbitaŭ infiekcyi. Anałahičnaje adnosicca da Ispanii i Italii.

Pa kolkaści vyjaŭlenych zaražeńniaŭ na dušu nasielnictva ŭ čyrvonaj zonie taksama Šviejcaryja, Narviehija, Danija, Estonija, Słavienija. Šviecyja, Aŭstryja.

Možna čakać, što situacyja ŭ najbližejšyja dni budzie abvastracca. Pakul svajho pika ŭ Jeŭropie i ZŠA epidemija nie dasiahnuła.

Bolšaść jeŭrapiejskich krain uviali strohija karancinnyja miery, spynili zaniatki ŭ škołach i ŭniviersitetach i rychtujuć prahramy dapamohi kampanijam, jakija pacierpiać ad ekanamičnaha spadu ŭ vyniku pandemii.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?