Evakuacyju naviedvalnikaŭ i supracoŭnikaŭ handlovaha centra pravodzili 16 sakavika ŭ handlovym centry DiaMond City. Pryčyna — elektronny list ab «minavańni» budynka, paviedamlajuć «Minsk-naviny».
Paśla 13:00 minčanie pačali aktyŭna pisać u sacsietkach pra toje, što naviedvalnikaŭ nie puskajuć u HC, jaki raźmieščany na vyjeździe ź Minska, na skryžavańni vuł. Hromava i kalcavoj darohi. Mnohija ź ich bačyli kala budynka aŭtamabili milicyi i MNS.
Pryčyna zdareńnia — paviedamleńnie ab niebiaśpiecy, jakoje pastupiła paśla 12:30. Była praviedziena evakuacyja, handlovy centr abśledavała sapiorna-piratechničnaja hrupa — nijakich padazronych pradmietaŭ nie vyjaŭlena.
Ministerstva ŭnutranych spraŭ prynosić svaje prabačeńni naviedvalnikam za niazručnaści. Na hety momant HC pracuje ŭ štatnym režymie.
