Važnaje rašeńnie było pryniataje 18 sakavika mižviedamasnaj hrupaj pa praduchileńni zavozu i raspaŭsiudu infiekcyi. Jano vyznačaje miescy zapraŭki tranzitnaha transpartu i charčavańnia jaho kiroŭcaŭ.
Hetaje rašeńnie ŭstupaje ŭ siłu amal imhnienna — z 0:00 19 sakavika. Jano dazvolić minimizavać kantakt kiroŭcaŭ fur ź biełaruskimi hramadzianami.
Bieśpierabojnaść mižnarodnych hruzapieravozak važnaja dla zachavańnia narmalnaj žyćciadziejnaści ekanomiki śvietu.
Voś tekst pryniataha rašeńnia:
«U adpaviednaści z rašeńniem Mižviedamasnaj rabočaj hrupy pa praduchileńni zaviazieńnia i raspaŭsiudžvańnia vypadkaŭ infiekcyi, vyklikanaj karanavirusam, u Respublicy Biełaruś Ministerstva transpartu i kamunikacyj vyznačyła punkty adpačynku i charčavańnia kiroŭcaŭ, zapraŭki transpartnych srodkaŭ nierezidentaŭ Respubliki Biełaruś, jakija nieabchodna vykarystoŭvać pry tranzitnym prajeździe praz terytoryju Respubliki Biełaruś mižnarodnymi aŭtamabilnymi pieravozčykami. Kantrol za vykanańniem daručana zabiaśpiečyć Transpartnaj inśpiekcyi Mintransa, pačynajučy z 00.00 19 sakavika 2020 hoda».
