Hałoŭnaha redaktara ej.by Siarhieja Sacuka zatrymali supracoŭniki Departamienta finansavych rasśledavańniaŭ pa padazreńni ŭ atrymańni chabaru. Abvinavačańnie pakul nie pradjavili, paviedamlaje sajt ej.by.
Ej.by zaznačaje, što Sacuka padazrujuć u tym, što jon nibyta ŭziaŭ 5 tysiač dalaraŭ za napisańnie artykuła pra karupcyju ŭ Ministerstvie achovy zdaroŭja.
Častka 2 artykuła 430 (atrymańnie chabaru paŭtorna, albo šlacham vymahalnictva, albo hrupaj asobaŭ pa papiaredniaj zmovie, albo ŭ bujnym pamiery) praduhledžvaje ad troch da dziesiaci hadoŭ źniavoleńnia.
***
Hałoŭny redaktar viadomaha dziełavoha anłajn-vydańnia «Ježiednievnik» Siarhiej Sacuk byŭ zatrymany dniom u sieradu, 25 sakavika.
Da jaho ŭ hramadskim miescy padyšli ludzi, jakija pradstavilisia supracoŭnikami Kamiteta dziaržkantrolu, paprasili pradjavić dakumienty i zatym pavieźli z saboj. Viečaram stała viadoma, što Siarhiej zatrymany na troje sutak.
Jaho dapytali ŭ jakaści padazravanaha pa kryminalnaj spravie ŭ prysutnaści dziažurnaha advakata. Ranicaj u čaćvier rodnyja majuć namier zaklučyć damovu z novym advakatam.
