Alaksandr Łukašenka padčas naviedvańnia pradpryjemstva «Biełhips» u čarhovy raz vykazaŭsia na temu karanavirusa, paviedamlaje STB.
«Źjaviłasia šmat ludziej (nu, moža, u Biełarusi nie tak šmat — kiraŭnik administracyi i dziaržsakratar zajmajucca hetym) — chajpanuć, jak modna ciapier, na hetaj temie ŭ internecie. My pačali adłoŭlivać takich i pytacca ŭ ich. Viedajecie, psichozu i tak chapaje, a treba padahreć dzieści, pakazać. A tak zvanaja apazicyja sprabuje heta vykarystać suprać ułady. Ja maŭču — čas raźbiare», — zajaviŭ Łukašenka.
«Voś kali skončycca karanavirus hety (i nie virus, a psichoz), ja vam šmat čaho cikavaha raskažu. Vielmi šmat. A vy padumajcie dla pačatku nad dvuma pytańniami. Pieršaje pytańnie: karanavirus — heta rukatvornaja infiekcyja ci vypadkova z pavietra jana źjaviłasia? Kamu jana patrebna była? Druhoje pytańnie — nie adkažam pakul na hetaje pytańnie, ale skažycie: u śviecie, pačynajučy ad maich kaleh, palitykaŭ, i zakančvajučy nižej, i inšyja, pasprabavali vykarystać u svaich metach i intaresach hetuju virusnuju chvarobu abo psichoz? Voś nad dvuma pytańniami padumajcie: kamu treba i jak chto skarystaŭsia? Chtości abviaściŭ, što heta vajna — treba «žoŭtyja kamizelki» viarnuć z vulic, kudyści źviarnuć. U kahości vybary, u kahości jašče čahości. I kožny pačynaje krucić, krucić. Z ahniom žartujuć. Ale na hetuju temu my z vami pahavorym potym», — dadaŭ jon.
