Administracyja Centralnaha rajona Minska rychtuje spravu ab administratyŭnym pravaparušeńni, jakoje ździejśniŭ 74-hadovy Uładzimir Kažeŭnikaŭ, były rabotnik Ministerstva abarony Biełarusi.
Uładzimir Kažeŭnikaŭ. Fota vsr.by
Žychar Homiela Jaŭhien Skočka źviarnuŭ uvahu na brydkija vykazvańni Kažeŭnikava ŭ fejsbuku. Były žurnalist admaŭlaŭ biełaruskaj movie ŭ isnavańni, nazyvaŭ jaje vyrodlivaj ruska-polskaj miešaninaj.
Za publičnuju abrazu biełaruskaj movy Kažeŭnikaŭ moža być pakarany štrafam u pamiery ad 4 da 10 bazavych vieličyniaŭ.
Uładzimir Kažeŭnikaŭ rodam ź Jarasłaŭla (Rasija). U 2015 hodzie Kažeŭnikaŭ, pracujučy ŭ Ministerstvie abarony, pisaŭ, što Biełaruś źjaŭlajecca častkaj «ruskaha śvietu», a nazvu krainy jon pryncypova pisaŭ «Biełoruśsija». U chutkim časie jon byŭ zvolnieny ź infarmacyjnaha ahienctva «Vajar». Zarablaje hrošy, pišučy scenary dla rasijskich stužak. Žyvie ŭ Maskvie.
Čytajcie. Były rabotnik sajta Minabarony raspuskaŭ čutki pra sotni zahinułych u «Arena-Sici»
