Ministerstva achovy zdaroŭja Ukrainy abnaviła standart akazańnia miedycynskaj dapamohi chvorym na COVID-19, ciapier jon praduhledžvaje špitalizacyju tolki chvorych u stanie siaredniaj ciažkaści i ciažkim, piša «Ukrajinśka pravda».
Pra heta zajaviŭ hałoŭny sanitarny doktar Ukrainy Viktar Laško na bryfinhu ŭ niadzielu.
«Učora my abnavili standart akazańnia miedycynskaj dapamohi chvorym na karanavirusnuju chvarobu… Ź siońnia Ukraina budzie pracavać pa novych standartach miedycynskaj dapamohi. My źbirajemsia ŭkaranić kliničnaje sartavańnie. Špitalizavać u balnicy pavinny chvorych u siaredniaj i ciažkaj stupieni. Usie astatnija pavinny lačycca ŭ ambułatornych umovach pad nahladam i miedyka-sanitarnym kantrolem», — zajaviŭ jon.
Anałahičny padychod praktykujuć inšyja jeŭrapiejskija krainy z mocnym praniknieńniem karanavirusa, u tym liku Francyja, Italija, Šviecyja.
