Alaksandr Łukašenka siońnia na sustrečy sa staršynioj Savieta Respubliki Natallaj Kačanavaj patłumačyŭ, čamu ŭ Viciebskaj vobłaści nazirajecca ŭsplosk zachvorvańniaŭ.
«Vy ŭ mianie čałaviek mužny. Sałdat taki, što i ŭ vychadnyja adpracavali ŭ prablemnym rehijonie, rodnaj svajoj vobłaści. Ja nie kažu, što tam katastrofa niejkaja, nie. Prosta Viciebskaja vobłaść u nas zaŭsiody i pa klimacie inšaja, i trochi zrušyŭsia hety pik zachvorvańnia. Siońnia tam pracuje ministr achovy zdaroŭja, ja nakiroŭvaŭ jaho tudy i śpiecyjalistaŭ, kab jany źviarnuli ŭvahu, praanalizavali i zrabili vysnovy», — cytuje słovy kiraŭnika krainy telehram-kanał «Puł pieršaha».
Pavodle źviestak na 14:00 30 sakavika, u Biełarusi zafiksavany 152 vypadki karanavirusa.
Ranicaj 31 sakavika stała viadoma, što ŭ Viciebsku pamior 75-hadovy akcior Viktar Daškievič.
