Fota Minaabarony.
Praciahvajecca padrychtoŭka da vajennaha paradu da 75-j hadaviny Pieramohi savieckaha naroda ŭ Vialikaj Ajčynnaj vajnie, jaki projdzie 9 maja ŭ Minsku, paviedamlaje Minabarony ŭ svaim telehram-kanale.
Płanujecca, što parad projdzie ŭviečary i budzie doŭžycca kala hadziny (prachodžańnie piešaj i miechanizavanaj kałon, pralot pavietranaha ešałona). Zavieršycca parad plac-kancertam zvodnaj roty hanarovaj varty i vystupleńniem zvodnaha arkiestra.
Zaraz udzielniki paradu trenirujucca trojčy na tydzień: piešaja kałona — na placy Minskaj vajennaj kamiendatury, miechanizavanaja kałona — na aeradromie «Lipki».
Na 5 i 7 maja zapłanavanyja hienieralnyja treniroŭki ŭ Minsku.
U składzie piešaj kałony parada projduć 22 paradnyja raźliki: 20 biełaruskich i pa adnym — ad Rasii i Kitaja.
U składzie miechanizavanaj kałony ŭ paradzie prymuć udzieł 18 paradnych raźlikaŭ: 16 ad Respubliki Biełaruś, u tym liku paradny raźlik ad Dziaržaŭnaha vajenna-pramysłovaha kamiteta, i 2 paradnyja raźliki Rasijskaj Fiederacyi. Usiaho — 185 adzinak techniki.
Uznačalić kałonu tank T-34, zatym projduć 13 paradnych raźlikaŭ ad Uzbrojenych Sił Biełarusi, u skład jakich uklučany tolki novyja i madernizavanyja ŭzory vajennaj techniki, paradny raźlik lohkabraniavanych aŭtamabilaŭ «Lis» ad unutranych vojskaŭ MUS, paradny raźlik ad Dziaržaŭnaha vajenna-pramysłovaha kamiteta, pradstaŭleny dvaccaćciu siamiu najnoŭšymi ŭzorami ŭzbrajeńnia i vajennaj techniki.
Ad Uzbrojenych sił Rasii płanujecca ŭdzieł paradnaha raźliku BTR-82A i paradnaha raźliku apieratyŭna-taktyčnych rakietnych kompleksaŭ «Iskander». U składzie pavietranaha ešałona nad horadam pralaciać 42 pavietranyja sudny: 34 ad Respubliki Biełaruś i 8 ad Rasijskaj Fiederacyi.
