Bazavaja arendnaja vieličynia ŭ Biełarusi ad 1 krasavika pavialičvajecca z Br16,9 da Br17,85. Takoje rašeńnie zamacavana pastanovaj Savieta Ministraŭ ad 20 sakavika 2020 hoda №162, paviedamlaje BiełTA.
Źmianić vyznačany ŭ damovie arendy kaeficyjent možna pa pahadnieńni bakoŭ i pa ŭzhadnieńni ź dziaržaŭnymi orhanami i inšymi arhanizacyjami.
Jak paviedamili ŭ Dziaržkammajomaści, u Biełarusi padrychtavany prajekt zahadu, jaki praduhledžvaje maratoryj na pavieličeńnie bazavaj arendnaj vieličyni i arendnaj płaty na termin da 30 vieraśnia 2020 hoda. Dakumient jašče nie pryniaty.
Bazavaja arendnaja vieličynia ŭžyvajecca padčas raźliku pamieru arendnaj płaty za płoščy, jakija znachodziacca ŭ poŭnaj ci častkovaj (bolš za 50%) dziaržułasnaści.
0
0
0
0
0
0
