Pra heta staršynia Savieta Respubliki Natalla Kačanava zajaviła ŭ efiry telekanała «Biełaruś 1», paviedamlaje BiełTA.
«Miery pavinny być adekvatnyja toj situacyi, jakaja składvajecca ŭ krainie. Možna ž było siońnia ŭsio začynić, i dalej što? Jak žyć ludziam? Ludzi pavinny karmicca, ludziam treba pracavać, ludzi pavinny vučycca, — adznačyła Natalla Kačanava. — Kali brać ličby, jakija jość u nas, pa zachvorvańni karanavirusam i inšymi infiekcyjnymi chvarobami, jany siońnia dazvalajuć nam pracavać, i pracavać narmalna. Prymać ekstrannyja miery, ja dumaju, pakul niama nieabchodnaści».
Kačanava adznačyła, što pra raspaŭsiud infiekcyi ŭ Biełarusi chodzić samaja roznaja infarmacyja, časam praŭdzivaja, a časam i absalutna chłuślivaja.
Na jaje dumku, u hramadstvie pavinny nie raspaŭsiudžvać čutki, a, naadvarot, kansalidavacca i nie pieraškadžać pracavać sistemie achovy zdaroŭja. «My pavinny raspačać usie miery dla taho, kab bałans zachoŭvaŭsia: akazvajučy dapamohu pa karanavirusie, nie zabyvać, što jość ludzi, jakija chvarejuć inšymi chvarobami», — skazała jana.
Staršynia Savieta Respubliki dadała, što biełaruskim miedykam ciapier i tak davodzicca niaprosta, i panika tolki paharšaje situacyju.
