U Dokšycach zachvareli na pnieŭmaniju katalicki śviatar i manach. U rajonnuju balnicu jany trapili ŭčora, 1 krasavika. U abodvuch pnieŭmanija. U adnaho — dvuch-, a druhoha — adnabakovaja.
Kaścioł śviatoj Troicy ŭ Dokšycach. Fota dokshicy.info.
«Test brali, ale vynikaŭ jašče niama. Lažać u ahulnaj pałacie, pad kropielnicaj», — raskazali pra stan mužčyn «Našaj Nivie».
Za miažoj ŭ apošni miesiac śviatar i manach-kapucyn nie byli. Kažuć, u adnaho ź ich usio pačałosia sa zvyčajnaj prastudy, paśla taho jak jon na minułym tydni prakaciŭsia na rovary.
Prychadžan na karancin nie zabirali. Padmianić śviatara na słužbach jość kamu, ale naviedvańnie kaścioła abmiežavali jašče paru tydniaŭ tamu: ludziej zaklikali lišni raz nie ryzykavać zdaroŭjem.
0
0
0
0
0
0
