Pradstaŭniki Abjadnanaj hramadzianskaj partyi, Biełaruskaj sacyjał-demakratyčnaj partyi (Hramada), partyi «Zialonyja», Biełaruskaj chryścijanskaj demakratyi i Ruchu «Za Zvabodu» vystupili z zajavaj, u jakoj patrabujuć adkrytaj infarmacyi pra raspaŭsiud karanavirusa ŭ Biełarusi.
«My, pradstaŭniki Abjadnanaj hramadzianskaj partyi, Biełaruskaj sacyjał-demakratyčnaj partyi (Hramada), Biełaruskaj partyi «Zialonyja», arhkamiteta pa stvareńni partyi «Biełaruskaj chryścijanskaj demakratyi» i «Ruchu «Za Svabodu» patrabujem adkrytaj infarmacyi pra raspaŭsiud karanavirusa COVID-19 u Biełarusi.
My ličym, što adsutnaść poŭnaj infarmacyi pra raspaŭsiud karanavirusa COVID-19 daje padstavu dla niedakładnaj infarmacyi, stvaraje čutki, paradžaje strach, a taksama sieje paniku ŭnutry hramadstva», — havorycca ŭ zajavie.
«My pierakanany, što ŭsiaho hetaha možna paźbiehnuć, kali Ministerstva achovy zdaroŭja svoječasova (u režymie anłajn) budzie davać infarmacyju pra kolkaść chvorych, rekamiendacyi, jak možna abaranić siabie ad karanavirusa, prahnozy raźvićcia situacyi, a taksama pra nasielenyja punkty, u jakich vyjaŭleny vypadki karanavirusa. My ŭpeŭnieny, što kaapieracyja hramadzianskaj supolnaści, ŚMI, a taksama dziejučaj ułady zdoleje mabilizavać usie mahčymyja resursy na baraćbu z pandemijaj», — padkreślivajuć aŭtary zajavy.
