U Japonii z 7 krasavika budzie dziejničać režym nadzvyčajnaha stanovišča z-za epidemii karanavirusa, abviaściŭ kiraŭnik japonskaha ŭrada Sindzo Abe. Pra heta paviedamlaje Reuters.
Ahienctva Kyodo udakładniaje, što stanovišča ŭviaduć u tych rehijonach Japonii, dzie zafiksavana najbolšaja kolkaść vypadkaŭ zachvorvańnia COVID-19.
Papiarednie, režym uviaduć na miesiac. Ludziej zakličuć zastavacca doma, a biznes — časova spynić pracu, ale abaviazkovym heta nie budzie, skazaŭ Abe. Karać za ihnaravańnie hetych zaklikaŭ japoncaŭ u bolšaści vypadkaŭ nie buduć, piša Reuters.
Razam z tym, urad Japonii čakaje ŭdaru pa ekanomicy, kab źmiakčyć jaho, čynoŭniki rychtujuć miery padtrymki biznesu.
U Japonii na 6 krasavika zachvareli 4,5 tysiačy čałaviek, bolš za ŭsio tych, chto zachvareŭ — u Tokia (1 033 čałavieki).