Pryznačany novy načalnik hałoŭnaha ŭpraŭleńnia pa achovie zdaroŭja Viciebskaha abłvykankama, paviedamlajuć «Vitiebskije viesti».
Raniejšaha kiraŭnika abłasnoha viedamstva, člena Savieta Respubliki Juryja Dzierkača źmianiŭ Michaił Višniaviecki, jaki da hetaha zajmaŭ pasadu namieśnika načalnika ŭpraŭleńnia achovy zdaroŭja Minskaha abłvykankama.
Michaił Lavonćjevič rodam ź Viciebska. Paśla zakančeńnia VDMU pa śpiecyjalnaści «Lačebna-prafiłaktyčnaja sprava» niekalki hadoŭ prapracavaŭ u praktyčnaj miedycynie ŭ rodnym horadzie, u tym liku ŭ chirurhii i ŭrałohii. Taksama sprabavaŭ siabie ŭ śfiery biznesu: u 2000-ch adkryŭ IP, a paźniej byŭ dyrektaram tavarystva z abmiežavanaj adkaznaściu «Krystał-Servis». Zatym skončyŭ Akademiju kiravańnia pry prezidencie i z 2009 hoda pierajšoŭ na dziaržsłužbu ŭ abłvykankam.
Kiraŭnikom abłasnoha viedamstva Michaił Višniaviecki pryznačany z 7 krasavika.
