Novaje pahadnieńnie APIEK+ pa skaračeńni zdabyčy nafty možna paraŭnać z Bresckim miram, jaki staŭ źnievažalnym dla Rasii. Pra heta ŭ subotu, 11 krasavika, zajaviŭ RBK vice-prezident i saŭładalnik najbujniejšaj rasijskaj pryvatnaj naftavaj kampanii «Łukojł» Leanid Fiadun.
«Ja b pryvioŭ prykład Bresckaha miru, kali balšaviki ŭ 1918 hodzie byli vymušany z roznych pryčyn pajści na ŭhodu z Hiermanijaj, jakaja była źnievažalnaj i ciažkaj», — adznačyŭ Fiadun, kamientujučy składzienuju ŭhodu.
Kali ž pahadnieńnie zaklučyć nie ŭdałosia b, usie naftaschoviščy śvietu byli b całkam «zality» praz 40-45 dzion.
Nahadajem, 22 z 23 krain u farmacie APIEK+ damovilisia ab źnižeńni zdabyčy nafty na 10 miljonaŭ baralaŭ u sutki ŭ mai i červieni, paśla — na 8 miljonaŭ na praciahu paŭhoda i na 6 miljonaŭ u nastupnyja 16 miesiacaŭ.
