Fiederalnyja ŭłady ZŠA ŭ śviatle pašyreńnia novaha karanavirusa ŭpieršyniu ŭ historyi krainy pastanavili ŭchvalić dekłaracyju ab nadzvyčajnaj situacyi adnačasova va ŭsich amierykanskich štatach i staličnaj akruzie Kałumbija. Pra heta paviedamiŭ u subotu telekanał CNN.
Apošnim štatam, dzie byŭ uviedzieny režym, staŭ Vajominh. Prezident ZŠA Donald Tramp uchvaliŭ hetuju mieru ŭ subotu. Dekłaracyja ab nadzvyčajnaj situacyi dazvalaje ŭładam štataŭ atrymać srodki fiederalnaha ŭrada na baraćbu z pašyreńniem infiekcyi.
Adznačany režym taksama dziejničaje ciapier u šerahu zamorskich terytoryj ZŠA. U ich liku Amierykanskija Virhinskija Vyspy, Sadružnaść Paŭnočnych Maryjanskich astravoŭ, Huam i Puerta-Ryka.
U ZŠA zafiksavanyja bolš za 533 tysiačy vypadkaŭ zaražeńnia karanavirusam. Pamierli zvyš 20,2 tysiač čałaviek.
