13 krasavika z sajtaŭ Baranavickaha zanalnaha centra hihijeny i epidemijałohii i Bresckaha abłasnoha centra hihijeny źnikła statystyka pa inficyravanych karanavirusam, apublikavanaja na minułym tydni. Na heta źviartaje ŭvahu Intex-press.by.
Namieśnica hałoŭnaha doktara Baranavickaha zanalnaha centra Volha Aniskievič skazała, što infarmacyju nakont karanavirusa treba brać z aficyjnych sajtaŭ. U adkaz na toje, što ličby nie tolki nie abnaŭlajucca, ale i źnikli, čynoŭnica skazała, što pa statystycy ničoha novaha nie dadaść. Na jaje dumku, usie viedajuć, što chvoryja na karanavirus u Baranavičach jość. A jak źmianiajecca ich kolkaść, nie nadta cikava.
«Heta ŭžo nikomu nie cikava, u jakoj kolkaści jany pavialičacca. Narod pačynaje supastaŭlać, na jakuju vulicu pryjazdžała mašyna [chutkaj dapamohi]. Pakul jašče nie pišuć na płatach proźviščy [chvorych], ale mohuć pačać heta rabić. Statystyka — heta nie toje, što treba viedać ludziam. Im treba razumieć, kali budzie zacichać praces, što dla hetaha treba rabić, kaho siońnia mohuć pryciahnuć da administracyjnaj adkaznaści».
Pavodle Aniskievič, jana maje zvodki, ale ŭ ich raspaŭsiudžvańni bačyć tolki škodu.
