belarus-travel.livejournal.com
Jak paviedamiŭ Catholic.by kustaš Biełaruskaj kustodyi ordena Bratoŭ mienšych kapucynaŭ brat Aleh Šenda OFMCap, na hetym tydni sa špitala vyjdzie adzin z dokšyckich bratoŭ, jaki adčuvaje siabie značna lepš.
Jašče adzin brat i siastra, jakija niasuć słužeńnie pry parafii Najśviaciejšaj Trojcy ŭ Dokšycach, byli vypisanyja ŭžo pierad Vialikadniem, 10 krasavika. Va ŭsich ich byŭ adnolkavy dyjahnaz — pnieŭmanija. Karanavirusnaja infiekcyja aficyjna nie paćvierdziłasia.
Brat Aleh Šenda OFMCap zaznačyŭ, što braty i siastra, jakija zachvareli ŭ Dokšycach, kantaktavali ź ludźmi, jakija da hetaha naviedvali abłasny špital u Viciebsku.
Kustaš padkreśliŭ, što braty pierad hetym nie byli ŭ krainach, dzie raniej raspačałasia epidemija COVID-19.
Na siońniašni dzień niemahčyma dakładna vyśvietlić, adkul trapiła infiekcyja ŭ rajcentr i jakimi šlachami raspaŭsiudžvałasia. Z zachvareŭšych padobnym čynam (a ich usiaho kala sotni) tolki piataja častka bolš-mienš rehularna naviedvała kaścioł.
«My vielmi ŭdziačnyja lekaram, jakija dapamahli i dapamahajuć našym bratam i inšym ludziam viarnucca da zdaroŭja. Im ciapier davodzicca nialohka, tamu my asablivym čynam padtrymlivajem miedykaŭ našaju malitvaju i zaprašajem dałučycca da jaje ŭsich viernikaŭ»,— skazaŭ brat Aleh Šenda.
