U hety ŭik-end da ŭsiaho hetaha dadaducca pieršaja i druhaja lihi, kab stvaryć va ŭsim akijanie karanavirusa cełuju paŭnavartasnuju vyspu z krepaściu, što abaraniaje futboł u Jeŭropie ad poŭnaha źniknieńnia.
Razam z Bukmiekierskaj kantoraj Leon my praciahvajem aśviatlać najlepšy futbolny čempijanat u śviecie.
Paśla pravału na starcie BATE zdoleŭ pieramahčy ŭ dvuch apošnich turach, nabliziŭšysia da pieršaha miesca na adlehłaść adnoj pieramohi. Na viaršyni ž apynułasia žodzinskaje «Tarpieda-BiełAZ», jakoje ŭ vočnaj dueli ŭpeŭniena pierahulała «Enierhietyk-BDU».
Praciahvajuć buksavać «Šachcior» i minskaje «Dynama». U salihorcaŭ čarhovaja nulavaja ničyja — na hety raz sa «Smalavičami», a minčuki naohuł niečakana prajhrali «Haradziei».
Voś jak skončylisia matčy čaćviortaha tura:
- «Nioman» — «Biełšyna» 1:1 (42, Kadzimian — 59, Koviel)
- «Słuck» — «Viciebsk» 1:1 (63, Kaanda — 32, Nikałajesku)
- «Tarpieda-BiełAZ» — «Enierhietyk-BDU» 2:0 (55, Chačaturan; 66, Ramas)
- «Haradzieja» — «Dynama-Minsk» 1:0 (14, Archipaŭ (p))
- «Minsk» — BATE 0:3 (26, Drahun; 34, Saroka; 62, Niachajčyk)
- «Smalavičy» — «Šachcior» 0:0
- «Dynama-Brest» — «Isłač» 3:1 (45+2, Habi; 77, Mileŭski; 90+4, Savicki (p) — 39, Kamaroŭski)
- «Słavija» — «Ruch» 0:0
Davajcie pahladzim, što nas čakaje ŭ nastupnym tury.
«Enierhietyk-BDU» — «Haradzieja»
- 16.04, 17:30. Minsk, RCAR-BDU.
- Kaeficyjenty: «Enierhietyk» (pieramoha) — 1.78; ničyja — 3.75; «Haradzieja» (pieramoha) — 5.25.
«Haradzieja» źjaŭlajecca samaj nievidoviščnaj kamandaj čempijanatu ź minimumam stvoranych niebiaśpiečnych momantaŭ, ale «cukrovyja» ŭžo zdabyli dźvie pieramohi: pieršuju ŭ Babrujsku dziakujučy štrafnomu ŭdaru, druhuju — dziakujučy pienalci. Efiektyŭnaść zajzdrosnaja.
Fota: FK «Haradzieja»
Pierad minułym turam źjaviłasia infarmacyja, što hulniu moža prapuścić lidar «studentaŭ» Džasurbiek Jachšybojeŭ z-za traŭmy. Ale ŭ Žodzinie ŭźbiek zhulaŭ, ale nie dapamoh kamandzie. Ciapier bojkaja kamanda budzie imknucca reabilitavacca ŭ matčy z «Haradziejaj».
Prahnoz «NN»: «Enierhietyk» pieramoža.
«Dynama-Minsk» — «Nioman»
- 16.04, 19:30. Minsk, stadyjon «Dynama».
- Kaeficyjenty: «Dynama» (pieramoha) — 1.85; ničyja — 3.47; «Nioman» (pieramoha) — 5.25.
Minčuki ŭ čatyroch turach nabrali tolki try bały — heta zusim nie toje, čaho my čakali ad kamandy Hurenki. Napieradzie «Dynama» — sustreča z «Niomanam», jaki hulaje ŭ viazki abarončy futboł.
Ekśpierty ŭpeŭniena ličać haspadaroŭ favarytami hulni. Ale nam zdajecca, što niedaaceńvać haradziencaŭ nie varta. Tyja choć i ŭpuścili pieramohu nad «Biełšynaj», ale mohuć stvaryć siurpryzy lubomu supierniku.
Prahnoz «NN»: «Nioman» nie prajhraje.
«Biełšyna» — «Smalavičy»
- 17.04, 17:30. Babrujsk, stadyjon «Spartak».
- Kaeficyjenty: «Biełšyna» (pieramoha) — 2.53; ničyja — 3.10; «Smalavičy» (pieramoha) — 3.31.
Jak užo paśpieli pažartavać u internecie, što praz karanavirus futboł nastolki ačyščany, što ŭ jaho viarnulisia hały Leanida Koviela. Na rachunku niekali lehiendarnaha forvarda abodva miačy «Biełšyny», apošni ź jakich padaravaŭ kamandzie pieršy turnirny bał.
«Smalavičy» nabrali na adzin bał bolš, ale abiedźvie ničyje byli zdabytyja ŭ matčach z topami: bresckim «Dynama» i «Šachcioram». Patencyjał u kamandy Brazieviča jość, im treba tolki skarystacca.
Prahnoz «NN»: totał, mienšy za 2.5.
«Šachcior» — «Słuck»
- 17.04, 19:30. Salihorsk, stadyjon «Budaŭnik».
- Kaeficyjenty: «Šachcior» (pieramoha) — 1.44; ničyja — 4.85; «Słuck» (pieramoha) — 8.25.
U «Šachciora» vialikija prablemy ŭ atacy. Kamanda zabivała ŭsiaho ŭ adnym tury z čatyroch, što i adbivajecca na pazicyi salihorcaŭ u tablicy. Ale varta adznačyć, što prapuścili jany ŭsiaho adzin miač.
«Słuck» i zabivaje prystojna, ale i prapuskaje niamała. Takaja hulnia padabajecca šmatlikim zamiežnym zaŭziataram, jakich z kožnym dniom stanovicca ŭsio bolš. Ciapier pytańnie: ci paraduje ich kamanda ŭ matčy suprać vielmi surjoznaha supiernika?
Arciom Siardziuk prabiŭ nahoj rekłamny ščyt — hety momant staŭ miemam siarod zamiežnych zaŭziataraŭ «Słucka». Fota: FK «Słuck»
Prahnoz «NN»: totał, mienšy za 2.5.
«Isłač» — «Słavija»
- 18.04, 14:00. Stadyjon FK «Minsk».
- Kaeficyjenty: «Isłač» (pieramoha) — 2.18; ničyja — 3.33; «Słavija» (pieramoha) — 3.85.
«Słavija» razam z «Enierhietykam» składajuć paru kamand, jakija ździŭlajuć bolš za ŭsio. Mazyrčuki za adzin krok ad finału Kubka, a ŭ čempijanacie abhulali BATE i bresckaje «Dynama».
«Vaŭki» paśla bojkaha startu prajhrali dźvie apošnija hulni, prapuściŭšy ažno šeść miačoŭ. Taktyka ŭ try centralnyja abaroncy daje zboi. Čym Žukoŭski budzie ździŭlać u matčy sa «Słavijaj»?
Prahnoz «NN»: «Słavija» nie prajhraje.
«Ruch» — «Minsk»
- 18.04, 16:00. DASK «Brescki».
- Kaeficyjenty: «Ruch» (pieramoha) — 2.61; ničyja — 3.22; «Minsk» (pieramoha) — 3.07.
«Ruch» zabiŭ mienš za ŭsich u čempijanacie — usiaho adnojčy, i toje ŭ pieršym tury. A «Minsk» prapuściŭ 8 miačoŭ — bolš za astatnija kamandy.
U «Minska» jość niebłahi šaniec znoŭ padciahnucca da lidaraŭ tablicy, ale dla hetaha treba ŭzłamać tryvałuju abaronu bieraściejcaŭ.
Prahnoz «NN»: totał, mienšy za 2.5.
«Viciebsk» — «Dynama-Brest»
- 18.04, 18:00. CSK FK «Viciebsk».
- Kaeficyjenty: «Viciebsk» (pieramoha) — 5.75; ničyja — 3.85; «Dynama» (pieramoha) — 1.71.
Dva tydni tamu hulnia ź Viciebskam była pieraniesiena ŭ Barysaŭ. Nibyta praz stan pola. Ale paśla ministr achovy zdaroŭja pryznaŭsia, što heta było zroblena z-za niebiaśpiečnaj epidemijałahičnaj situacyi ŭ horadzie. Bosy fiederacyi praciahvajuć stajać na svaim i źviazvać pieranos vyklučna z umovami nadvorja.
Prajšło dva tydni, i matč nikudy nie źbirajucca pieranosić. «Viciebsk» prymie čempijonaŭ Biełarusi na svaim poli. U turnirnaj tablicy kamandy znachodziacca pobač, ale favarytami ekśpierty ličać bieraściejcaŭ.
Prahnoz «NN»: «Dynama» pieramoža.
BATE — «Tarpieda-BiełAZ»
- 18.04, 20:00. «Barysaŭ-Arena».
- Kaeficyjenty: BATE (pieramoha) — 1.46; ničyja — 4.80; «Tarpieda» (pieramoha) — 7.85.
Niahledziačy na pieršaje miesca ŭ tablicy, ekśpierty zusim nie vierać u žodzinskaje «Tarpieda».
Fota: FK «Tarpieda-BiełAZ»
U hetym jość łohika, bo žodzincy z 2016 hoda nie mohuć pieramahčy ŭ BATE, a barysaŭcy ŭ čempijanacie pačynajuć nabirać niebłahi chod. Ci zmohuć jany skinuć «Tarpieda» ź pieršaha radka?
Prahnoz «NN»: BATE pieramoža.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!