Fota Nadziei Bužan
Pra heta staršynia praŭleńnia Biełhazprambanka zajaviŭ u intervju Tut.by.
— Miarkuju, siońniašniaja situacyja majo śćvierdžańnie [Biełaruś jak kraina vyvučanaj biezdapamožnaści] tolki paćviardžaje. Kali ja kazaŭ pra vyvučanuju biezdapamožnaść, ja mieŭ na ŭvazie chutčej nie prostych ludziej, a tych, chto abaviazany prymać rašeńni. Tych, chto pretenduje na rolu kiraŭnikoŭ, chto pavinien vieści, kiravać i nakiroŭvać.
Z majho punktu hledžańnia, hety kryzis [situacyja z karanavirusam i nastupstvy] staŭ najiarčejšym dokazam taho, što ŭ nas na samym vierchnim uzroŭni — absalutnaja biezdapamožnaść. Ja nie čuŭ nivodnaha samastojnaha mierkavańnia.
Spačatku dajecca ŭkazańnie adnosna taho, jakoje naša mierkavańnie, potym usie zhodna kivajuć. Heta žudasna. U vyniku miedyki pramaŭlajuć nie na movie miedycyny, a apuskajucca da niejkich bytavych rečaŭ, ekanamisty — naohuł ničoha nie havorać. Pry hetym byccam by ŭrad raspracoŭvaje niejkija miery padtrymki. Voś užo miesiac raspracoŭvaje.
— U pačatku krasavika dałažyli, što raspracavali i adpravili ŭ Administracyju prezidenta i ŭ KDK…
— Voś i ŭjavicie situacyju sistemy: miery padtrymki čakali praktyčna na nastupny dzień. A jany chodziać nieviadoma pa jakim kole. A čamu chodziać? Bo nivodny z ŭzhadniajučych nie źjaŭlajecca čałaviekam, što prymaje rašeńni. Taja samaja vyvučanaja biezdapamožnaść jarčej za ŭsio prajaŭlajecca ŭ kryzis. Zadača kožnaha — nie pryniać na siabie adkaznaść, a niešta napisać, i chaj chtości inšy vyrašaje.
Inšaja sprava, što nielha kazać: heta pabudavana biez nas. Heta niapravilna. My pahadzilisia z hetym. Hetaja sistema pabudavana z našaj maŭklivaj zhody.