Va Uzbrojenych siłach praciahvajecca padrychtoŭka da paradu vojskaŭ Minskaha harnizona ŭ aznamienavańnie Dnia Niezaležnaści i 65-j hadaviny vyzvaleńnia Biełarusi ad niamiecka-fašysckich zachopnikaŭ.
Jon projdzie 3 lipienia ŭ Minsku.
Jak paviedamili ŭ pres-słužbie Ministerstva abarony, płanujecca, što ŭ paradzie pa tradycyi voźmuć udzieł vychavancy Minskaha suvoraŭskaha vajennaha vučylišča, kursanty Vajennaj akademii, vajennaha fakulteta Biełaruskaha nacyjanalnaha techničnaha univiersiteta, vajennasłužačyja 120-j hvardziejskaj asobnaj miechanizavanaj bryhady, 86-j bryhady suviazi, 103-j i 38-j asobnych mabilnych bryhad, transpartnych vojskaŭ, rota hanarovaj varty, a taksama zvodny arkiestr Uzbrojenych sił.
Pierad trybunami hledačoŭ projdzie technika pieryjadu Vialikaj Ajčynnaj vajny.
U adpaviednaści z zahadam ministra abarony adzinočnaja padrychtoŭka da paradu piešych paradnych raźlikaŭ u voinskich čaściach pačałasia 16 sakavika. Hienieralnyja treniroŭki płanujecca pravieści 27 i 30 červienia.
Ci buduć na paradzie pradstaŭleny sučasnaja bajavaja technika i avijacyja, pakul nie paviedamlajecca.
