Siarhiej Bałachonaŭ pierakłaŭ na biełaruskuju znakamityja «Mhnovienija» Robierta Raždziestvienskaha.
- Z pahardaju sekundy nie ŭsprymaj.
Čas pryjdzie – skončyš z prymchami sumnieŭnymi.
La skroniaŭ pośvist kulaŭ paraŭnaj
ź niastrymnymi, imklivymi imhnieńniami.
- Imhnieńni abiartajucca ŭ hady,
imhnieńni abiartajucca stahodździami,
ažno ja ŭśviedamlaju niezaŭždy,
što ŭ kožnaha imhnieńnia jość adroźnieńni.
- U kožnaha imhnieńnia ŭłasny sens,
ułasnyja zvany, svaje admietnaści.
Imhnieńni – ciažar tych, chto splamiŭ čeść.
Chtoś abniasłavicca, chtoś abiaśśmiercicca.
- Ź imhnieńniaŭ drabiazy satkany doždž.
Zvyčajnaja vada ź niabios strumienicca.
Zdarajecca šmat hod čakać, niabož,
pakul z svaim imhnieńniem pierastreniešsia.
- Vialikim jano budzie, jak hłytok,
hłytok vady, padčas śpiakoty letniaje.
A zrešty, štoimhnieńnie i štokrok
trymajsia abaviazku svajho ŭpeŭniena.
- Z pahardaju sekundy nie ŭsprymaj.
Čas pryjdzie – skončyš z prymchami sumnieŭnymi.
La skroniaŭ pośvist kulaŭ paraŭnaj
ź niastrymnymi, imklivymi imhnieńniami.
* * *
Štodzionna ŭ rubrycy «Litaratura» na sajcie NN — novyja tvory i minijatury. Čytajcie dla serca, čytajcie dla rozumu, čytajcie dla movy.
0
0
0
0
0
0