Alaksandr Łukašenka na naradzie 23 krasavika raskrytykavaŭ vopyt Zachodniaj Jeŭropy ŭ baraćbie z karanavirusam. Na dumku kiraŭnika dziaržavy, ludzi, jakija vychodziać ź izalacyi z svaich kvater, pasłablenyja i mohuć padchapić virus — adbudziecca druhaja chvala, paviedamlaje STB.
«Vopyt Zachodniaj Jeŭropy. Jany izalavali ludziej. Jany začynili ŭ hetych čatyroch ścienach ludziej, tak? Tak. I heta mietad, nam jaho padajuć. Siońnia jašče ŭ ich pamiraje da 400-600 čałaviek u sutki. Heta značyć karanavirus — kali heta karanavirus — bušuje, tak? Tak. Jany zaraz pačali adkryvacca (heta i ŭ Rasii) i vypuskać ludziej na vulicy. A tam ža jašče chvoryja na karanavirus, ludzi mruć ŭ takich kolkaściach.
I voś jany vyjšli z hetaj izalacyi (nie samaizalacyi, z hetaj izalacyi dziaržaŭnaj) asłablenyja. Nie bačyli biełaha śviatła. I hałoŭnaje — psichična pieranapružanyja.
I sutyknulisia z tymi chvarobami, virusami, jakija jašče błukajuć u Italii, Ispanii, Francyi i hetak dalej. Što adbudziecca? Adbudziecca druhaja chvala, i hetyja ludzi sasłablenyja, jakija vyjšli z hetych kvater prytchłych, damoŭ adpačynku i inšaje, atrymajuć voś hety virus.
A jon staić, jon čakaje, čakaje svajoj achviary.
Tady paŭstaje pytańnie: a navošta zamykali ludziej u kvatery? Jany tam pabyli, jak u turmie, vyjšli i zarazilisia. I druhuju chvalu atrymali. Moža być, užo heta zrazumieli tam i pavoli pačali vyzvalać ekanomiku, ludziej, dziciačyja sady. Vy bačycie, jak heta adbyvajecca. Paŭstaje pytańnie: navošta heta tady rabili? Dla taho, kab asłabić ludziej, asłabić ŭ ich imunitet i potym ich zarazić?»
