Fota Bahdan Akciabr
U Dziaržaŭnaj akademičnaj charavoj kapele imia Ryhora Šyrmy, jakaja źjaŭlajecca častkaj Biełdziaržfiłarmonii, karanavirus znojdzieny ŭžo u 44 čałaviek z 75. Infarmacyju pra heta TUT.BY paćvierdziŭ hienieralny dyrektar fiłarmonii Alaksandr Mikita.
14 krasavika karanavirus byŭ znojdzieny ŭ adnaho z supracoŭnikaŭ kapeły. 21 krasavika stała viadoma, što karanavirus jašče ŭ 28 čałaviek.
Z taho času kolkaść zachvarełych pastupova pavialičvajecca. Jak raspavioŭ Alaksandr Mikita, jaki štodnia stelefanoŭvajecca sa svaimi supracoŭnikami, kolkaść ludziej u kapele z COVID-19 pavialičyłasia z 29 da 44. Taksama karanavirus znojdzieny ŭ troch supracoŭnikaŭ Fiłarmonii. Ahulnaja kolkaść zachvarełych — 47.
Hetaja ličba moža pavialičycca. Jašče ŭ dvaich čałaviek pnieŭmanija, ich testy pakul nie hatovyja.
Pa słovach Alaksandra Mikity, z 47 čałaviek vosiem znachodziacca ŭ balnicy, u bolšaści karanavirus praciakaje bieśsimptomna.
